Здружението на новинари на Србија (УНС) денеска апелираше до медиумите во државата да престанат со сензационализирање на известувањето за трагедијата што се случи во Кочани и повика да го почитуваат законот и Кодексот на српските новинари, јави МИА од Белград.
„УНС потсетува дека Кодексот предвидува дека новинарите се обврзани да ја почитуваат приватноста, достоинството и интегритетот на луѓето за кои пишуваат и дека е спротивно на Кодексот да известуваат за несреќи и злосторства на сензационалистички начин“.
УНС оцени дека нема оправдување за објавување несоодветна содржина што не го почитува достоинството на жртвите, има вознемирувачки ефект врз семејствата и јавноста и може да има штетно влијание.
