Руски, украински и американски преговарачи денес се сретнаа во Абу Даби на првиот трипартитен состанок од почетокот на руската агресија врз Украина во февруари 2022 година. Состанокот се смета за клучен за оценка на подготвеноста на Москва за мирен процес.
Преговорите доаѓаат по неодамнешната средба на рускиот претседател Владимир Путин со претставници на американскиот претседател Доналд Трамп во Москва, која Кремљ ја опиша како „корисна, но многу отворена“.
Клучни настани од состанокот
Русија го постави повлекувањето на украинската армија од Донбас како услов за мир. Градоначалникот на Киев, Виталј Кличко, повика на евакуација на Киев. Велика Британија реагираше на говорот на претседателот Зеленски во кој ја критикуваше Европа.
Првиот трипартитен состанок на Украина, Русија и САД во Абу Даби официјално започна и заврши околу 20 часот.
Преговарачите оценуваат дека состанокот бил продуктивен. Белата куќа потврди дека трипартитните разговори ќе продолжат утре. Руската државна новинска агенција ТАС објави дека страните се согласиле разговорите да продолжат.
