Европскиот Фестивал за Дизајн (European Design Festival – EDF) кој се одржа во Љубљана беше заокружен со доделувањето на Европските Награди за Дизајн (European Design Awards – EDA) 2025.
Фестивалот беше организиран од Европската Федерација за Дизајн и Меѓународниот совет за дизајн, а домаќин беше Фондацијата “Брумен” (Brumen), која ја претвори Љубљана во креативен центар.
Во словенската престолнина се собраа дизајнери, студенти и индустриски професионалци, славејќи ја овогодинешната тема на фестивалот “Ексцентричност во фокусот”. Програмата на фестивалот опфаќаше предавања, изложби и работилници на различни локациии низ Љубљана. Централната изложба “Ексцентричност – Дизајн надвор од центарот”, која се одржа во Градското собрание во Љубљана, претстави над 50 реномирани дизајнери од шесте поранешни југословенски републики.
Галеријата Цукрарна беше домаќин на извонредната изложба “Поздрав од Сараево” на ТРИО Дизајн (TRIO design), додека студентите од Академијата за ликовна уметност и дизајн, Факултетот за природни науки и инженерство, Факултетот за дизајн, Институтот за креативна уметност и Универзитетот “Xiamen“ ги изложија своите дела низ целиот град, нудејќи увид во иднината на дизајнот. Работилниците “Typo Walk” и “Design Walk” го внесоа креативниот дух на градот во јавниот простор, повикувајќи ги посетителите да ја доживеат Љубљана низ призмата на типографија и визуелно раскажување.
Деметриос Факинос (Demetrios Fakinos), Извршен Директор на Европските Награди за Дизајн изјави: “Оваа година го одбележуваме 19. издание на Европскиот Фестивал за Дизајн и Европските Награди за Дизајн. Горди сме што со текот на годините успеавме да создадеме заедница на дизајнери – професионалци и ентузијасти кои го следат фестивалот ширум Европа. Честитки до сите добитници на Европските Награди за Дизајн (EDA) кои повторно ни потврдија дека европскиот дизајн е во добри раце.”
Во рамки на церемонијата која ја одбележа извонредноста во девет категории, овогодинешните Европските Награди за Дизајн ги препознаа најиновативните дела во различни категории: брендирање, пакување, промоција, публикации, типографија, илустрација, дигитални апликации, интерни продукции и други. Оваа година жири комисијата на Европските Награди за Дизајн (EDA) додели 29 златни, 35 сребрени, 47 бронзени и пет специјални награди. Наградите беа доделени на добитниците од страна на меѓународни делегати.
“Со Европскиот Фестивал за Дизајн 2025 сакавме да создадеме нешто повеќе од момент – замислувавме платформа за регионална и европска размена. Љубљана сега стои рамо до рамо со европските културни престолнини, а овој момент ќе одекнува пошироко од границите на фестивалот.” – изјави Радован Арнолд (Radovan Arnold), Претседател на Фондацијата “Брумен” и Oрганизатор на овогодинешниот Европскиот Фестивал за Дизајн.
За длабочината на дискусиите на Европскиот Фестивал за Дизајн придонесоа истакнати словенечки личности. Д-р Петра Черне Овен (dr. Petra Černe Oven) и Нејц Прах (Nejc Prah) беа говорници на главната конференција, д-р Ања Стефан (dr. Anja Stefan) водеше работилница за стратешки менаџмент, а Силвија Грегорчич (Silvija Gregorčič) и Валентин Грудник (Valentin Grudnik) од “Better” учествуваа на бизнис сцената на фестивалот.
Програмата на фестивалот исто така вклучување предавање на европски експерти: Аугустинас Паукште (Augustinas Paukštė), Аџиaj Арчер (Agyei Archer), Доротеа Шкрабо (Dorotea Škrabo), Андреј & Андреј (Andrej & Andrej), Ана-Мари Тенхунен (Anna-Mari Tenhunen), Валерио Монополи (Valerio Monopoli), Лемке Мајер (Lemke Meijer) и Аурелија Моцкевичуте (Aurelija Mockevičiūtė). Регионалниот состанок на Меѓународниот совет за дизајн додаде поширока, меѓународна димензија на фестивалот, со говорници како Мелике Ташчаоглу Ван (Melike Taşcıoğlu Vaughan), Лоренс Зиген (Lawrence Zeegen), Ива Бабаја (Iva Babaja), Анси Кахара (Anssi Kähärä), Џонатан Стребли (Johnathon Strebly), Кајл Рат (Kyle Rath), Јонас Лугаила (Jonas Liugaila) и Кин Ду (Qin Du).
