Отворањето ќе биде одбележано со проекцијата на култниот филм „Контрола“ (Control, 2007) на режисерот Антон Корбајн, познат по својата уникатна визуелна естетика и инспиративни биографски приказни. Корбајн, кој е и лауреат на овогодинешното издание на фестивалот, ќе биде централна фигура на отворањето.
Организаторите најавуваат вечер исполнета со филмска магија, уметност и инспирација, а публиката ќе има можност да го почувствува духот на фестивалот кој веќе повеќе од една деценија претставува значаен културен настан во македонската престолнина.
Билетите за свеченото отворање се достапни преку платформата MK Tickets.
Тимот на Скопје Синема Сити ги поканува сите љубители на филмот и музиката да бидат дел од оваа специјална вечер што ја слави креативноста и уметноста во сите нејзини форми.
