На 14 септември, од 11:00 до 14:00 часот на Школка во Градски Парк – Скопје, ќе се одржи настанот „Замени и засади“ во Школка.
Дрвјата не се само симбол на животот, тие се основата на здрава животна средина. Секое засадено дрво претставува чекор кон подобар воздух, похумано опкружување и постабилна клима.
,,Настанот „Замени и засади“ e можност заеднички да дадеме придонес за почиста и поздрава околина. Заедно ќе учествуваме во активности кои ја промовираат еко-свесноста. Ве охрабруваме да бидете дел од оваа иницијатива. Природата ни дала многу – време е да ѝ вратиме. Секое дрво е важен дел од мозаикот на животот, затоа дојдете и придонесете кон изградбата на зелената иднина”, велат организаторите.