Загадувањето на воздухот во Париз е намалено за половина во последните 20 години, според нова студија објавена од Airparif, независна група која го следи квалитетот на воздухот, објави Радио Франс Интер.
Од 2005 година, нивоата на двата најштетни загадувачи на воздухот, фините честички и азотниот оксид, се намалија за 55 и 50 проценти, соодветно, соопшти групата.
Намалувањето на загадувањето е резултат на европските, националните и локалните политики насочени кон намалување на емисиите од патниот сообраќај, греењето и индустријата, соопшти „Ерпариф“.
Клучните чекори што направиле разлика вклучуваат европски стандарди за емисии, оданочување на емисиите на индустриски загадувачи, подобар и пообемен јавен превоз и велосипедска инфраструктура.
Исто така, беше истакнат преминот од дизел на електрични возила. Париз претвори 60.000 паркинг места во зелени површини, додаде 180 километри велосипедски патеки и создаде 130.000 нови паркинг места за велосипеди.
Загадувањето е поврзано и со 10 до 20 проценти од новите респираторни заболувања, астма, рак на белите дробови и хронична опструктивна белодробна болест, како и со 5 до 10 проценти од кардиоваскуларните и метаболичките заболувања како што се срцев удар, мозочен удар и дијабетес тип 2.
