Според податоците, од 2005 година досега, нивото на две од најштетните супстанции – ситните честички (PM) и азотниот диоксид (NO₂) – е намалено за 55%, односно 50%.
Овие резултати се должат на политики на европско, национално и локално ниво, насочени кон намалување на емисиите од сообраќајот, греењето и индустријата.
Клучни мерки што дале резултат, според Airparif, се:
- европските стандарди за емисии,
- оданочување на индустриските загадувачи,
- проширување на јавниот превоз,
- изградба на велосипедска инфраструктура,
- префрлање од дизел на електрични возила.
Париз има претворено 60.000 паркинг-места во зелени површини, изградил 180 километри велосипедски патеки и отворил 130.000 нови паркинг-места за велосипеди.
Озон останува предизвик
Единствениот загадувач чијшто ниво не е намалено е озонот. За разлика од другите, озонот не се испушта директно во воздухот – тој се создава како резултат на хемиска реакција под влијание на сончева светлина помеѓу други загадувачи, како што се емисиите од автомобили и фабрики.
Иако локалните емисии што доведуваат до создавање озон се намалени, климатските промени го зголемуваат неговото присуство, особено во топли и сончеви денови.
Помалку предвремени смртни случаи
Според Airparif, подобрувањето на квалитетот на воздухот значајно влијаело на јавното здравје – бројот на предвремени смртни случаи поврзани со загадувањето е намален за една третина меѓу 2010 и 2019 година.
Сепак, во 2019 година, загадувањето на воздухот во просек го скратило животниот век за 10 месеци.
Исто така, се проценува дека загадениот воздух е причина за:
- 10–20% од новите случаи на астма, рак на белите дробови и хронична опструктивна белодробна болест,
- 5–10% од случаите на срцев и мозочен удар, како и дијабетес тип 2.
Строги правила од 2030 година
И покрај напредокот, околу 800.000 жители на регионот на Париз сè уште се изложени на нивоа на загадување над препорачаните граници, особено оние што живеат во близина на фреквентни патишта – помалку од 50 метри од главните сообраќајници.
Од 2030 година, во сила ќе стапат построги правила на Европската унија.
