Управувањето со стресот е важно за менталното и физичкото здравје, но не е секогаш лесно. Добрата вест е дека можете да пробате да ги ублажите стресните ситуации преку консумирање на популарен и здрав зачин. Станува збор за куркума, а диететичарката Миранда Галаци открила за „Eating Well“ зошто ова е најдобар избор кога станува збор за смирување на стресот.
Куркумата се користи со векови поради своите здравствени придобивки, вклучувајќи ублажување на стресот. Нејзината способност да го намали стресот се должи на соединението наречено куркумин, моќна компонента која има особено силен ефект на здравјето на мозокот.
Докажано е дека куркумата ја намалува воспаленоста и ги штити клетките од оштетувања, што може да игра клучна улога во управувањето со стресот и регулацијата на расположението.
Консумирање на куркума може да го намали стресот, но тоа не е трајно решение
Стресот и воспаленијата често се поврзани, а Галаци верува дека решението за двата проблеми може да се наоѓа во консумирањето на куркума.
„Воспаленијата и оксидативниот стрес можат да го влошат расположението и да го зголемат ризикот од развој на депресија или анксиозност. Бидејќи куркуминот има антиинфламаторни и антиоксидативни својства, може да помогне во ублажување на симптомите на анксиозност и депресија и да го подобри менталното здравје“, вели Галаци.
Куркумата може да помогне во ослободување од стресот, но тоа не значи дека целосно ќе го елиминира. Иако истражувањата се ветувачки, потребни се повеќе студии за целосно разбирање на ефектите на куркумата врз расположението.
