Летните денови носат море, базени и случајно мокрење на телефонот. Иако многу модели денес се водоотпорни, тоа не значи дека се целосно водоотпорни. Ако телефонот ви падне во вода, брзината на реакција е клучна. Но, едно е сигурно: не го ставајте во ориз.
Зошто не ориз?
Apple и Samsung, двата најголеми производители на паметни телефони, категорично советуваат да не се става влажен телефон во ориз. Причината? Оризот може да остави мали честички кои влегуваат во портите и дополнително да го оштетат телефонот.
„Ставувањето на вашиот iPhone во ориз може да предизвика дополнителна штета поради честичките кои влегуваат во уредот“, велат од Apple.
Прва помош за влажен телефон
Ако ви паднал телефонот во вода, еве што да направите според препораките на Apple и Samsung:
-Веднаш извадете го од водата.
-Исклучете го уредот.
-Избришете го со мека, сува крпа.
-Нежно протресете го телефонот со конекторот свртен надолу за да се исцеди водата.
-Оставете го во проветрено место, по можност пред вентилатор или во природен провев.
-Не го вклучувајте или полнете најмалку 5 часа (Apple препорачува вакво време).
-Ако телефонот паднал во солена вода, сок или вода од базенот, исплакнете го со вода од чешма пред да го избришете за да ги отстраните штетните материи што можат да остават траги или да предизвикаат корозија.
Силиконски топчиња – најдобра алтернатива
Ако веќе сакате да користите абсорбента за влага, најдобриот избор се топчињата со силика гел (оние што доаѓаат во пакувања за чевли или електроника). Еве како да ги користите:
-Исклучете го и избришете го телефонот.
-Ставете го во пластична кутија со многу силиконски топчиња во неа.
-Затворете ја кутијата и оставете ја да отстои до 72 часа.
-После тоа обидете се да го вклучите.
Што друго (не) да се користи?
Gazelle, компанија за рециклирање телефони, исто така тестираше некои домашни алтернативи. Се покажало дека кускусот и инстант оризот се донекаде ефикасни, но белиот ориз, ѓубрето од мачки, овесот и чиа семето не се препорачуваат бидејќи зад себе оставаат честички кои можат да направат уште поголема штета, пренесува CNET.
