Светската организација за заштита на природата (WWF) предупреди на драстичниот пад на биодиверзитетот во светот и повика на итно преземање конкретни мерки за да се стопира тој тренд. Според последниот извештај на WWF за состојбата на планетата, популацијата на дивите врсти во просек е намалена за 69% од 1970 година досега.
Од WWF потсетуваат дека пред половина година беше усвоена Глобалната рамка за биодиверзитет Кунминг-Монтреал, со која светот се обврза да го стопира и да го надомести губењето на биодиверзитетот до 2030 година, со предупредувачки податоци.
Според последниот извештај на WWF за состојбата на планетата, популациите на дивите врсти во просек се помали за 69% во однос на 1970 година, додека пред нешто повеќе од десет години истиот извештај на WWF покажуваше дека популациите на видовите се намалени за околу 30% во однос на 1970 година.
Денес состојбата е посебно алармантна кај слатководните врсти, кои се намалени за 83% во однос на бројките од 1970 година.
Од WWF укажуваат на тоа дека биодиверзитетот е мрежата на животот на Земјата. Како што наведуваат, 80 проценти од луѓето кои живеат во рурални средини во земји во развој користат традиционални билни лекови за основните здравствени потреби. Над 70% од природните површини се пренаменети во обработливо земјиште.
На глобално ниво се фрлаат 40% од храната која се произведува на тие обработливи површини, со што се покажува дека залудно е уништена мрежата на животот во тие региони, велат од WWF.
Извор: n1info.rs
