На 26 ти јуни од 12:00 до 15:00 часот во Лабораториум ќе се одржи настан кој ќе обедини базар, изложба и платформа за социјално претприемништво, како дел од проектот „Зајакнување на можностите“. Проектот има за цел да обезбеди платформа за вмрежување и прикажување на производите создадени за време на проектните работилници за накит, уметност и занаетчиство на кои земаа учество млади лица со и без попреченост. Дополнително, има за цел да овозможи можности за вмрежување меѓу учесниците и успешни социјални претприемачи.
Проектот „Зајакнување на можностите“ е спроведен од ЦМА Крик како дел од проектот „Млади агенти за промена“ координиран од Center for Intercultural Dialogue (CID)- Куманово, во партнерство со Сојуз на извидници на Македонија – Scout Association of Macedonia и Центар за истражувања и анализи НОВУС / Center for research and analysis – Струмица, со финансиска подршка од Европската унија.
Целта е градење на капацитетите на младите луѓе со или без попреченост во областа на создавање занаети и поддршка за нивната финансиска независност.
