На 10 август во 18 часот во Струмица, здружението Центар за истражување и анализи НОВУС, заедно со Europe House Струмица го организираат фестивалoт насловен како „Youth Festival Strumica 2025“, со бесплатен влез за сите посетители.
Овој настан е отворен за сите кои сакаат добра енергија и уште подобра музика. Програмата на фестивалот ветува добра забава со настап во живо на бендовите: Fiction, PrekuRed i Divizija. Во меѓувреме, Здружението за ликовна уметност ,„Форма“ од Куманово ќе црта мурал во живо, а ќе биде активен и посебен дел за игра и забава, во кој освен музички сетови, посетителите ќе можат да уживаат во храната на ,,Los hermanos“ и „Vatos“.
Фестивалот ќе понуди простор за младинска дружба, креативност и слобода со целодневни зони спремни за изразување и за забава.
