Утринските температури ќе се движат од –2 до 6 Целзиусови степени, а максималните дневни од 12 до 19 степени.
Во Скопје, наутро се очекува локална магла, а преку ден времето ќе биде претежно сончево со слаб северен ветер. Температурата ќе се движи од 2 степени наутро до 16 во текот на денот.
Според прогнозата на УХМР за утре, ќе продолжи стабилното и суво време со мала до умерена локална облачност и слаб северозападен ветер. Дневните температури ќе се искачуваат до 20 Целзиусови степени.
Метеоролозите најавуваат дека земјава влегува во подолг период на стабилно и суво време, со посвежи утра и можност за магла во котлините.
