Денес, времето во Македонија ќе биде променливо со локални послаби врнежи од дожд, особено во западните предели на земјата. На планините над 1500–1600 метри надморска височина се очекува и провејување на снег, а постојат услови и за ретка појава на грмежи.
Повремено ќе дува засилен ветер од југоисточен правец, кој најмногу ќе се чувствува во Повардарието.
Утринските температури утре ќе се движат од 0 до 6 степени, додека дневните ќе достигнат од 9 до 15 степени.
Во Скопје, температурата наутро ќе се спушти до околу 5 степени, а преку ден ќе достигне околу 15 степени.
