Истражувачите сакале подобро да ја разберат врската помеѓу времето на спиење и срцевите заболувања. За да го направат тоа, тие ги анализираа постоечките податоци за спиење од нешто повеќе од 88.000 возрасни лица во Обединетото Кралство.
Времето на спиење и будење на учесниците од период од седум дена било евидентирано со помош на уред кој се носи на зглобот.
Истражувачите, исто така, поставувале и различни прашалници за собирање на податоци за демографските, здравствените фактори и факторите на животниот стил.
По околу шест години, повторно ги ангажирале учесниците во истражувањето барајќи дијагнози поврзани со срцеви заболувања, срцеви удари, мозочни удари и слично.
Студијата покажала дека времето за легнување кое се поврзува со најмал ризик од развој на срцеви заболувања е помеѓу 22 и 23 часот.
Оние кои легнале на или по полноќ имале најголема веројатност да развијат срцеви заболувања, дури и ако ги земеме предвид факторите како што се возраста, полот, времетраењето на спиењето, па дури и хронотипот на спиењето.
Поточно, легнувањето на полноќ или подоцна е поврзано со 25% поголем ризик од срцеви заболувања.
Важно е да се забележи дека овие наоди се пример за корелација, а не нужно причинско-последична врска.
Извор: Н1
