Антициклон и топла воздушна маса од југ ќе донесат сончево и релативно топло време во Македонија за време на викендот, со температури кои на некои места ќе достигнат и до 19 степени.
Во текот на саботата времето ќе биде претежно сончево со мала до умерена облачност. Ќе дува слаб до умерен ветер од југоисточен правец, а дневните температури ќе се движат меѓу 12 и 19 степени, што е над просекот за овој период од годината.
Утринските температури ќе бидат значително пониски и ќе се движат од -3 до 5 степени, но во текот на денот времето ќе биде пријатно и стабилно.
Во Скопје и околината се очекува суво и претежно сончево време, со слаб до умерен ветер од југоисточен правец. Утринската температура ќе биде околу 0 степени, додека преку ден ќе се искачи до околу 17 степени.
Во недела времето ќе биде променливо облачно, со можност за слаби локални врнежи од дожд. Минималните температури ќе се движат од -1 до 5 степени, додека максималните ќе достигнат од 11 до 16 степени.
Ќе дува слаб до умерен ветер од јужен правец.
И покрај можноста за повремен дожд во недела, температурите ќе останат релативно високи за почетокот на март, па во текот на викендот во најтоплиот дел од денот ќе имаме вистинска пролетна атмосфера.
