Облачна воздушна маса од север ќе донесе локални врнежи од дожд низ Македонија, со посвежи утрински температури и умерено топло време преку денот.
Во текот на ноќта и утрешниот ден, над територијата на Македонија ќе поминува облачна воздушна маса од север, која ќе донесе локални и послаби врнежи од дожд.
Врнежите ќе бидат поизразени во северните и источните предели, додека во останатите делови ќе има променлива облачност со повремени врнежи. Ќе дува слаб до умерен ветер од променлив правец.
Во Скопје и околината се очекува слична временска состојба, со облачно време и услови за слаб локален дожд.
Утринските температури ќе бидат над нулата и ќе се движат од 2 до 10 степени на ниво на државата. Во текот на денот, максималните температури ќе достигнат од 12 до 20 степени.
Во главниот град, утринската температура ќе се спушти до околу 7 степени, додека дневната ќе достигне приближно 17 степени.
