Доналд Трамп го објави амбициозниот проект „Златна флота“, со нова класа масивни воени бродови – класата Трамп. Планирани се 20-25 бродови, првиот би бил изграден за две и пол години, со паралелна изградба на подморници.
Бродовите имаат депласман од 30-40.000 тони, должина до 270 метри, брзина од 35 јазли и вооружување кое вклучува нуклеарни крстосувачки ракети SLCM-N, 128 вертикални лансирни ќелии Mk 41, ласерски системи и противвоздушни ракети.
Концептот на бродовите од класата Трамп повеќе потсетува на советските и руските тешки крстосувачи Орлан, како што се Адмирал Нахимов и Петар Велики, отколку на класичните американски разорувачи. Првиот брод ќе го носи името USS Defiant, симболизирајќи пркос и моќ.
Проектот испраќа јасна порака: подобро неколку исклучително моќни и отпорни бродови отколку многу ранливи, помали платформи. „Златната флота“ може да стане новата оска на американската поморска моќ и да го промени балансот на моќта на море.
