Десеттата јубилејна награда за најдобар млад преведувач, „Вавилон“, што ја доделуваат Делегацијата на ЕУ и Здружението на преведувачи и толкувачи ќе биде врачена вечерва во 18 часот во Народна и универзитетска билиотека „Св. Климент Охридски“. Исто така, ќе биде одбележана и 80-годишнината од првиот училиштен час на македонски јазик.
Оваа награда го слави 10-иот јубилеј и ја истакнува важноста на преводот, но и уметноста која ја создаваат преведувачите и толкувачите – подеднакво добро како и авторите.
На настанот ќе се обрати евроамбасадорот Дејвид Гир, како и Милан Дамјановски, вонреден професор на Филолошкиот факултет и претседател на организацискиот одбор на наградата.
