Раководителот на Инстаграм, Адам Мосери, најави дека наскоро ќе пристигнат нови AI функции кои ќе овозможат промена на видеозаписите преку текстуални прашалници.
„Работиме на некои навистина возбудливи AI алатки за креаторите на видеа. Многумина создаваат неверојатен содржина која го прави инстаграм тоа што е, а ние сакаме да ви дадеме повеќе алатки кои ќе помогнат да се остварат сите идеи“, изјави Мосери.
Тој ги претстави новите функции во видео, пренесува Tech Crunch.
Во една сцена, снимката на Мосери од канцеларија во сив џемпер се менува така што во позадина се појавуваат заснежени планини, а тој е облечен во бел зимски капут, за во следната верзија да се претвори во анимирана верзија на самиот себе.
Функциите ќе ги покренува AI моделот Movie Gen на компанијата Meta, кој првпат беше претставен во октомври.
Meta тогаш изјави дека Movie Gen нема да биде јавно достапен за сите корисници, а денешната најава открива дека новите алатки се пред сè наменети за креаторите на содржина на истаграм.
