Анализата вклучуваше кориснички податоци собрани во текот на изминатите две години за 30-те најчесто осигурени марки на автомобили во Германија, откривајќи некои шеми во однесувањето при возење.
Германскиот портал за споредба Verivox направи сеопфатна анализа на сообраќајните прекршоци, која беше ексклузивно објавена во Bild. Имено, станува збор за тоа кои возачи, односно кои марки и модели на автомобили, се најнедисциплинирани во сообраќајот.
Анализата вклучуваше кориснички податоци собрани во текот на изминатите две години за 30-те најчесто осигурени марки на автомобили во Германија, откривајќи некои шеми во однесувањето при возење.
На самиот врв на листата на сообраќајни прекршители е луксузниот бренд Porsche. Според резултатите, возачите на моделот од Штутгарт имаат дури 65 проценти повеќе казнени поени од просекот на сите анализирани марки. По нив следуваат: Tesla (37 проценти над просекот), Chevrolet (29 проценти над просекот), Volvo (24 проценти над просекот). Од друга страна, има и такви кои се издвојуваат по своето примерно однесување. Најсовесни возачи се сопствениците на автомобили Хонда, кои собираат 28 проценти помалку поени од просекот. По нив следат возачите на Киа (25 проценти помалку) и Сузуки (24 проценти помалку).
Кој е најпретпазлив?
Кога анализата се стеснува на поединечни модели на автомобили, резултатите стануваат уште поинтересни. Истражувањето ги опфати 100-те најпродавани модели, а правилото остана исто: колку е поспортски автомобилот, толку се посклони неговите возачи кон прекршоци. Апсолутен „победник“ во оваа категорија е Audi A5. Возачите на овој модел имаат дури 87 проценти повеќе казнени поени од просекот. Неговите роднини и конкуренти се исто така високо на листата: Audi A5 (+87%), Audi A6 (+81%), Volvo XC60 (+73%), Mercedes E-Class (+68%), BMW Series 5 (+63%), Tesla Model 3 (+62%), BMW Series 3 (+59%), Skoda Superb (+57%), Ford Mustang (+55%) и Seat Leon (+54%).
За разлика од нив, возачите на Mazda CX-5 се највнимателни, со 47 проценти помалку казнени поени. По нив следуваат Mitsubishi Space Star (39 проценти помалку) и Honda Jazz (36 проценти помалку).
„Одредени видови возила привлекуваат спортско ориентирана целна група, што потоа се одразува во нивниот стил на возење“, коментираше Аљоша Зилер, директор на Verivox. Сепак, тој додава дека моделот на автомобилот не е единствениот фактор.
„Оние кои возат многу километри имаат статистички поголем ризик да направат грешка и да заработат казна, и токму тоа го гледаме во нашите податоци. Возачите на помоќни и поскапи автомобили често се деловни луѓе кои поминуваат многу време на патот, што дополнително го зголемува ризикот од прекршоци.“
