Рано утрово, поради лавина, воз излета од шините во близина на селото Гопенштајн, во кантон Валис, Швајцарија. Полицијата претпоставува дека во несреќата има повеќе повредени, пренесуваат швајцарските медиуми.
Спасувачката операција е во тек, а властите апелираат за претпазливост. Во моментот на несреќата, во возот имало околу 80 патници, според извештајот на порталот Pomona и швајцарскиот јавен сервис RTS.
Се очекува дополнителни информации за бројот на повредените и состојбата на патниците, откако спасувачките тимови ќе завршат со пребарувањето и евакуацијата.
Извор: TANJUG
