Рускиот претседател Владимир Путин наводно има вонбрачна ќерка која живее под псевдоним во Париз, каде работи како диџеј, јавуваат украинските медиуми.
Украински ТВ канал наводно ја пронајде 21-годишната девојка, која се вика Луиза Розова.
Тие објавуваат дека таа е љубовното дете на кратката афера меѓу Путин и Светлана Крививоноги, поранешна чистачка која сега е една од најбогатите жени во Русија. Кривоноги претходно беше споменувана во медиумите како „познаничка на Путин“.
Новинарите објавија дека го пронашле изводот на родените на Луиза Розова, која е родена на 3 март 2003 година.
Името на таткото не е наведено во изводот на родените, но нејзиното патронимско име е означено како Владимировна. Според руската конвенција за именување, ќерките на Путин би го земале овој патроним.
Новинарите објаснија дека нејзините наводни лажни имиња се поврзуваат и со Путин. Олег Руднов, кој почина во 2015 година, беше близок пријател на Путин, а извештајот сугерира дека детето на Путин го добило неговото име за да го скрие вистинскиот идентитет. Варијација на ова име е и Луиза Розова.
Новинарите објавија и фотографии и видео од сега избришаните профили на Розова на социјалните мрежи, на кои се гледало како таа танцува.
Таа ги затвори своите профили во 2022 година, набргу по почетокот на војната во Украина, и откако други корисници објавија емотикони со знамето на Украина и сугерираа дека се крие во бункер.
Во својот извештај, новинарите ја споредија со фотографии на Путин во неговата младост и тврдеа дека тие се речиси идентични, иако во разговор на каналот за социјални медиуми Clubhouse во февруари 2021 година, Розова негираше каква било сличност со Путин.
Слушнете, судејќи по неговите млади фотографии, веројатно, да, изгледаме слично. Но, како што се испостави, има многу луѓе кои личат на Владимир Владимирович – рече таа.
Во аудиото на Clubhouse, Розова го опишала и својот живот „во темнина“. Таа рече дека намерно живеела во „балон“ и дека не ги следи вестите.
Гледам, знаете, модни ревии, купувам магазин Вог. Сакам да одам во блискиот ресторан и да јадам вкусни тестенини, да разговарам со моите пријатели за најновите озборувања – се наведува во украинскиот извештај, цитиран од британски „Телеграф“.
Кривоноги, мајката на Розова и наводната љубовница на Путин, ненадејно многу се збогати.
Таа наводно тежи 83 милиони фунти, поседува „неколку куќи“ во Монте Карло и јахта и седи во управниот одбор на Банката на Русија, која руската елита ја користи за преместување пари.
Таа, исто така, поседува удел во ски-центарот Игор во близина на Финска и е директор на Националната медиумска групација, која Кремљ ја користи за регулирање на своите клучни канали.
Минатата година, Британија ги додаде Кривоноги на списокот со санкции затоа што „продолжи да ја промовира руската агресија против Украина“.
Путин со првата сопруга Људмила има две легитимни ќерки, Марија и Катерина. Тој се разведе од неа во 2013 година.
За него се вели дека има два сина со Алина Кабаева, олимписка гимнастичарка. Тој, наводно, имал романтична врска со Кабаева повеќе од две децении, но секогаш тоа го негирал.
