Во земјотресот што утрово го погоди истокот на Таджикистан, загина трогодишно дете, соопштил за агенцијата РИА Новости Центарот за управување со кризни ситуации при Комитетот за вонредни ситуации и цивилна одбрана (ЦЕЦС) на Владата на Таџикистан.
„Како последица на потресите во регионот Рашта во источен Таџикистан, загина трогодишно дете, кое се здоби со повреди под урнатините од ѕидот на куќа“, рекол изворот на агенцијата.
Според неговите информации, на истокот на Таџикистан се случиле три земјотреси во период од четири часа. Уништени се вкупно 29 куќи и една училишта, а, како што се наведува, оштетени се 17 стамбени згради.
Комисијата на Комитетот за вонредни ситуации работи на проценка на штетите во погодените области.
Земјотресот со јачина од 6,4 степени според Рихтерова скала го погоди Таџикистан утрово, соопштил Европско-медитеранскиот сеизмолошки институт (ЕМСЦ). Епицентарот на земјотресот бил на длабочина од 16 километри, 160 километри североисточно од Душанбе.
