Латвиски државјанин е уапсен во Австрија откако се заканувал дека ќе земе луѓе за заложници за време на патување со воз од Виена кон Инсбрук, соопшти полицијата во понеделник навечер.
Го привеле специјалци – пружал отпор при апсењето
За време на патувањето, 31-годишниот маж изјавил дека ќе земе заложници доколку во возот се качат полициски службеници, изјавил портпаролот на полицијата во Салцбург за агенцијата dpa.
Кога возот застанал на станицата во Салцбург, специјалните полициски единици го привеле осомничениот.
Еден полицаец бил повреден додека мажот се обидувал да се спротивстави на апсењето, соопштил портпаролот.
Полицијата потврди дека осомничениот не бил вооружен.
Настанот се случил само неколку дена по напад со нож во воз во Велика Британија, во кој неколку лица биле повредени. За тој напад беше уапсен и обвинет 32-годишен осомничен.
