Неколку лица беа избодени денес во близина на трговски центар во финскиот град Тампере, објави полицијата. Полицијата во соопштението наведува дека уапсила едно лице и дека инцидентот повеќе не претставува опасност за другите.
На повредените им се укажува прва помош, соопшти полицијата. Тие не дадоа детали за степенот на повредите или сторителот.
Полицијата соопшти дека испрашува сведоци и го блокирала местото на настанот.
Јавниот радиодифузен сервис YLE објави дека сообраќајот во центарот на Тампере, кој се наоѓа околу 180 километри северно од Хелсинки и трет по големина град во земјата, е во застој.
Локалниот весник Aamulehti објави дека уапсеното лице е маж.
