Самитот има за цел да ги обедини најиновативните основачи, инвеститори и експерти во областа на стартапите и вештачката интелигенција, создавајќи платформа за вмрежување, размена на знаење и можности за соработка.
Организаторите најавуваат богата програма исполнета со панел-дискусии, предавања, работилници и интерактивни сесии, каде учесниците ќе можат да се запознаат со најновите трендови и технологии што го обликуваат светот на иновациите.
„Со овој самит сакаме да ја поттикнеме стартап заедницата во Македонија и регионот, да создадеме простор за идеи, инвестиции и заеднички проекти,“ велат од Startup Club Skopje, додавајќи дека настанот е отворен за стартапи, инвеститори, студенти и професионалци од различни индустрии.
Startup Club Skopje, кој веќе неколку години активно работи на развојот на стартап екосистемот во земјата, најавува дека сите медиумски партнери кои ќе го поддржат настанот ќе бидат јавни промотори на иновациите преку нивните комуникациски канали и социјални мрежи.
Настанот се очекува да стане центар на регионалната стартап сцена, инспирирајќи нова генерација на претприемачи и технолошки визионери.
