Четири амбулантни возила на „Хатзола“ биле запалени во Голдерс Грин во раните утрински часови во понеделник, предизвикувајќи неколку експлозии – за кои се верува дека се поврзани со боци со бензин во возилата, соопшти лондонската полиција, пренесе Би Би Си.
„Во процес сме на испитување на безбедносните камери и снимките од интернет. Веруваме дека во оваа рана фаза бараме тројца осомничени“, изјави началник Сара Џексон, која ја води полициската работа во областа.
Лондонската противпожарна бригада била повикана на Хајфилд Роуд околу 01:40 часот по Гринич. Нема пријавени повредени.
Палењето амбулантни возила што припаѓаат на служба за брза помош на еврејската заедница во северен Лондон се третира како антисемитско злосторство од омраза, соопшти Метрополитен полицијата.
Десетици жители биле евакуирани од своите домови во раните утрински часови по експлозиите што предизвикале кршење на прозорците во блиската зграда. Околу 30 лица биле однесени во локално засолниште.
Околните куќи биле евакуирани како мерка на претпазливост, а патиштата биле затворени. Шест противпожарни возила и околу 40 пожарникари биле испратени за да го локализираат пожарот, соопшти полицијата. Пожарот беше ставен под контрола во 03:06 часот, додаде таа.
Снимките од безбедносните камери се прикажани како тројца осомничени облечени во црно одат кон амбулантно возило пред да го запалат.
Реакција од премиерот
Премиерот Сер Кир Стармер го опиша чинот како „длабоко шокантен антисемитски пожар“, во објава на X.
Во разговор за Би-Би-Си њуз, Стармер рече дека бил во контакт со лидерите на еврејската заедница по нападот и дека ќе продолжи да го прави тоа во текот на целиот ден.
„Антисемитизмот нема место во нашето општество и навистина е важно сите да застанеме заедно во ваков момент“, додаде тој
