Одлуката ја донесе Штабот за вонредни ситуации на итен состанок, соопштија од Градската управа. Најголема опасност и се заканува на населбата Трн, каде што реките Буковица, Ступчевица и Вукешница ги загрозуваат домаќинствата.
Екипите веќе се на терен за да им помогнат на граѓаните. Реката Врбас е над границата за вонредна одбрана од поплави, поради што на жителите им се препорачува зголемена претпазливост.
Покрај тоа, реките Турјаница, Црквена, Вукешница и Маховљанска се излеани на земјоделските површини и претставуваат закана за домаќинствата во одредени делови на општината.
Граѓаните можат да ги следат информациите преку Радио Лакташи, кое ќе емитува програма во текот на целата ноќ. За итни случаи, достапни се телефонските броеви 065/078-888, како и 123 за противпожарната служба и 122 за полицијата.
