Локалните жители на гостиварското село Равен го чистеле изворот во близина на калето и сосема неочекувано наишле на поголем камен. Надлежните од Општина Гостивар констатирале дека се работи за уште едно вредно археолошко откритие од овој крај.
Сега статуата се наоѓа во Конзерваторскиот центар во Гостивар. Директорот на центарот Цветко Новаковски вели дека статуа со ваква големина до сега не е пронајдена во Македонија.
„Статуи од овој тип, маж облечен во тога, се пронајдени во Аполонија и Бутринт, Албанија. Тие главно беа поставени на јавни места“, изјави Новаковски.
Во атарот на селото Равен и досега беа пронаоѓани вредни археолошки предмети. Некои од топонимите на селото се „кале“, „црква“ и „манастир“.
