Од друга страна, бројот на склучени бракови значително опаднал. Лани биле регистрирани 382 брака, што е за 176 помалку отколку во 2023 година, кога биле склучени 556 бракови.
„Во периодот од 1 јануари до 31 декември 2024 година, на територијата на општина Будва и Петровац се склучени 382 брака и 70 животни партнерства“, изјави Жана Капа, координаторка на матичната служба во Будва.
Интересот за истополови партнерства расте, што делумно се должи на големиот број странски државјани кои живеат или престојуваат во Будва, како и на позитивните искуства на паровите кои веќе склучиле партнерство во овој град.
Интересно е што 80% од склучените бракови биле меѓу странски државјани. Само 13 брака биле склучени помеѓу жители на Будва, додека најголемиот број биле меѓу странци или мешани бракови помеѓу црногорски и странски државјани.
Будва останува атрактивна дестинација за свадбени церемонии, но статистиката покажува дека традиционалните бракови се во опаѓање, додека истополовите партнерства бележат значителен пораст.
