Во Баку, Азербејџан, ќе се одржи 29. Конференција на страните на Рамковната конвенцијата на Обединетите Нации за климатски промени – КОП29. Во рамките на Конференцијата организиран е, Првиот министерски состанок за засилена климатска акција во туризмот, на кој ќе учествува министерот за култура и туризам, Зоран Љутков.
„Претседателството на КОП29 за прв пат организира тематски ден за туризмот на кој учесниците ќе ја истакнат улогата, ранливоста и потенцијалот на туристичкиот сектор во справувањето со климатските промени“, се наведува во соопштението од Министерството за култура и туризам.
Настанот е во организација на Претседателството на КОП29 / Државната агенција за туризам на Република Азербејџан во партнерство со Светската организација за туризам на Обединетите Нации и со поддршка на Програмата за животна средина на Обединетите Нации.
