Албанија ќе биде домаќин на една од најголемите мултинационални воени вежби: „Дефендер Европа 25“, која започнува на 25 мај и ќе биде предводена од Европската команда на САД (USEUCOM).
Министерот за одбрана на Албанија, Пиро Венгу на социјалните мрежи истакна дека „НАТО и партнерските сили ќе се обучуваат во Албанија и Косово за заштита на критичната инфраструктура, офанзивни и одбранбени операции, како и за безбедност на клучните точки на распоредување“.
„Тест за интероперабилност и јасна порака: НАТО е обединет“, нагласи Венгу.
Вежбата ќе трае до 9 јуни и има за цел да ја подобри подготвеноста, интероперабилноста и способноста за координирано дејствување меѓу силите на САД, НАТО и партнерските сили.
„Дефендер Европа 25“ вклучува серија борбени активности од голем обем во неколку земји во Европа, при што вежбата е структурирана како симулација како одговор на Член 5 на НАТО за колективна одбрана на сојузниците.
