Вонредна состојба поради лоши временски услови е проглаена во 11 општини во Србија, соопштија тамошните власти.
Мерката е воведена во општините Лучани и Ивањица поради обилни снежни врнежи и замрзнат дожд, изјави за српскиот јавен радиодифузен сервис РТС Александар Радосављевиќ, заменик-началник на Одделот за противпожарна безбедност и спасување при Секторот за вонредни ситуации.
Околу 2.000 жители на општина Лучани останаа без електрична енергија.
Вонредна состојба веќе е прогласена во Ваљево, Лозница, Осечина, Крупан, Мали Зворник, Владимирци, Сјеница, Мајданпек и дел од општина Приеполе.
Штабот за вонредни ситуации објави дека околу 700 домаќинства во регионот Сјеница се затрупани во снег и остануваат без електрична енергија. Исто така, има тешкотии во мобилната комуникација, со спорадични прекини на сигналот. Поради тешките услови, пристапот до голем број села е тежок или целосно невозможен, а службите за итни случаи работат на терен за нормализирање на ситуацијата.
По наредба на српската влада, во погодените подрачја се испратени и жандармериски единици за да им помогнат на спасувачките екипи.
Во последните 24 часа, пожарникарите и спасувачите одговориле на 98 повици, а 37 лица се евакуирани.
Поради снежни врнежи во Расинскиот округ во централна Србија, селата Болевец и Самар во областа на Рибарската река остануваат без електрична енергија, а во општина Брус нема електрична енергија во селото Крива Река.
