Мај е препознатлив по матурски прослави, но и по матурски испити и матурски концерти, по матурски балови, и матурски фустани на матурски вечери.
Токму затоа, екипата на „Внимание“ ги прашува матурантите – дали матурските прослави денес се потреба или луксуз?
Мислењата кај матурантите се прилично поделени, исто како и во однос на прашањето дали треба да се полага државна матура. Некои сметаат дека матурските прослави се луксуз, други потреба. Некои сметаат дека државната матура не треба да се полага („искрено ќе кажам „не“, бидејќи е голем стрес – вели една матурантка“), други дека е неопходна („реалноста е дека оценките се ставаат со врски, а не со знаење“ – како што вели друг матурант).
Сепак, повеќето испитаници сметаат дека субвенции за матуранти и полуматуранти се добра идеја. Најтешко прашање за матурантите беше – Како вие би ги мотивирале другите матуранти да останат да студираат или да работат во Македонија? Неколку матуранти воопшто не беа ниту мотивирани, ниту пак мотиватори за студирање или работа во Македонија: „Би ги мотивирал да си одат, на пример, начинот на живот тука е многу подобар, ама парите што се прават во странство се неспоредливи“; „Да најдат работа тоа што им се свиѓа, да дадат се од себе да може да се опстане овде, да се работи со добра плата и овде“, велат матурантите.
Анкетата „Внимание, внимание – зборуваат граѓаните“, се емитува на каналите на „Трн“ (на Фејсбук, YouTube, и на Инстаграм) и нејзината цел е да се чуе гласот на граѓаните, посебно на младите. Гласот на граѓаните нѝ го претставува артистот Дениз Абдула, а продукцијата е на „Трн.мк“.
