Внимавајте! Во тек е нов фишинг напад кој се претставува како официјална комуникација од „Македонска Пошта“. Измамниците испраќаат лажни СМС пораки со линкови кои водат до фалсификувани веб-страници. Овие страници изгледаат сосема легитимно и ги повикуваат жртвите да внесат лични податоци, како и информации за платни картички.
Како да се заштитите?
Веб-страницата на измамниците е едноставна и без било какви механизми за валидација на внесените податоци. Страницата е регистрирана само пред неколку дена и е специјално создадена да филтрира IP адреси од Македонија, што значи дека е насочена исклучиво кон македонските корисници.
Не дозволувајте да станете жртва!
Ова е уште еден обид од страна на измамниците да извлечат ваши лични и финансиски податоци и да предизвикаат сериозни финансиски загуби.
Ако сте добиле сомнителен СМС, веднаш избришете го и не кликајте на линковите!
Останете внимателни и секогаш проверувајте извори пред да внесувате било какви лични податоци на интернет.
