Владата на Соединетите Американски Држави денеска склучи партнерство со три компании со цел изградба на големи нуклеарни електрани во вредност од најмалку 80 милијарди долари, јавува Reuters.
Ова е еден од најамбициозните енергетски проекти во последните неколку децении во САД и дел од стратегијата на претседателот Доналд Трамп за максимизирање на домашното производство на енергија, со посебен акцент на нафтата, гасот, јагленот и нуклеарната енергија.
Проектот се реализира во момент кога наглиот раст на центрите за вештачка интелигенција (AI) значително ја зголемува побарувачката за електрична енергија низ земјата — првпат по повеќе од дваесет години, што веќе создава притисок врз поединечни делови од американската електромрежа.
