Истражувачите од Универзитетот Хокурику покажале дека витаминот Ц ја зголемува дебелината на епидермисот (површинскиот слој на кожата) преку активирање на гени кои го поттикнуваат растот на клетките. Она што е особено важно е дека ефектот се постигнува со концентрации на витамин Ц кои природно стигнуваат до кожата преку крвотокот.
„Витаминот Ц очигледно влијае на структурата и функцијата на кожата, поттикнувајќи раст на епидермалните клетки“, објаснува биологот Акихито Ишигами од Токијскиот институт за геронтологија.
Познато е дека витаминот Ц:
- ја стимулира продукцијата на колаген,
- нуди заштита од УВ-зраци,
- има силно антиоксидативно дејство.
Новото истражување покажува дека витаминот Ц игра клучна улога и во процесот на деметилација на ДНК – механизам кој ја регулира активноста на гените, без да ја менува нивната структура. Под влијание на витаминот Ц, активноста на 12 клучни гени поврзани со раст на кожните клетки се зголемила – некои и до 75 пати.
По 14 дена третман со витамин Ц, лабораториските модели на човечка кожа покажале подебел жив слој на епидермисот и потен, подобро регулиран површински слој, што укажува на побрза и поефикасна регенерација.
Истражувачите заклучуваат дека витаминот Ц може да биде корисен третман против истенчување на кожата кај постари лица и дека може да се користи во развој на терапии за ублажување на ефектите од стареењето.
„Откривме дека витаминот Ц го зајакнува растот на кожата преку деметилација на ДНК, што го прави ветувачки третман за слаба и постара кожа“, вели Ишигами.
Природниот пат до поздрава, поцврста и помлада кожа можеби започнува со еден едноставен, но моќен витамин – витамин Ц.
