Огранокот на Фондацијата Викимедија која стои позади Википедија и нејзините сродни проекти, ја зголемува и збогатува својата програма. Поради зголемен интерес од јавноста, како дел од своите активности, Викимедија МКД најавува нов циклус бесплатни обуки за уредување на Википедија.
Овие обуки се одлична можност за сите кои сакаат да научат како да создаваат и уредуваат статии на најголемата енциклопедија во светот. Без разлика дали се почетници кои за прв пат се среќаваат со Википедија или веќе имаат основно познавање, овие обуки се прилагодени за да одговараат на различните потреби на луѓето.
Обуките се одржуваат секој четврток и сабота, во периодот од 12:00 до 14:00 часот, во просториите на Младинскиот културен центар (МКЦ) во Скопје. За учество е потребен личен лаптоп, малку слободно време и желба да научите нешто ново.
Контакт за пријавување и дополнителни информации:
телефон: 078/455-549 е-пошта: obuki@wikimedia.mk
