Традиционално, Охрид викендов е домаќин на „Фајнал фор“ турнирот на македонскиот куп во ракомет.
Програмата започнува во 17.00 часот со супер интересната пресметка помеѓу РК Алкалоид и РК Вардар, а од 19.30 во второто полуфинале ќе се сретнат домаќините РК Охрид и РК Пелистер Еурофарм.
Финалето на купот е закажано за утре, недела, први јуни.
Минатата година трофејот го освои РК Алкалоид а најтрофејна е екипата на Вардар со вкупно освоени 16 трофеји.
