Еден од најактивните вулкани во Италија, Етна, од минатиот викенд повторно исфрла лава, објавија италијанските медиуми. Властите соопштија дека внимателно ја следат ситуацијата и дека нема причина за паника.
Првите, слаби ерупции беа забележани на 8 февруари, а тенки потоци од лава беа регистрирани и во вторникот на јужната падина на кратерот познат како Бока Нуова (Нова уста), објави веб-страницата nationalworld.com. Не се забележани значителни промени во параметрите на вулканот, објави опсерваторијата Етна на италијанскиот национален институт за геофизика и вулканологија (INGV).
Како што е соопштено, лавата тече во многу тесна линија и се протега на само неколку стотици метри, па се карактеризира како „нормална вулканска активност“. Вулканот Етна, на островот Сицилија, е највисокиот активен вулкан (3.330 метри) во континентална Европа, пренесува Блиц, повикувајќи се на Танјуг.
