Студентот додека се обидувал да побегне се свртел и јасно го видел напаѓачот, како и паниката која ги зафатила луѓето околу него.
Веста за пукањето во училиште во Шведска го потресе целиот свет. Ученик во училиштето Рисбергска, кој сакал да остане анонимен, бил на само неколку секунди од влез во зоната на пукање при нападот во училиштето за образование на возрасни во кој напаѓачот (35) уби десет и рани голем број луѓе.
Според весникот Aftonbladet.se, студентот успеал да го сними напаѓачот однадвор, а на видеото се гледа како маж облечен во темна облека, вооружен, се движи внатре во зградата.
„Мислам дека имаше две долги цевки, една на грбот и една во рацете“, рече студентот.
Студентот опишал дека дошол рано на час и чекал во ходникот кога ги слушнал првите истрели.
“Најпрво мислев дека некој испуштил стол или слично. Но, кога пукотниците продолжија, сфатив дека има пукање и истрчав кон главната врата. Не знам што ќе се случеше ако не извадев една од слушалките од моето уво”, рекол тој.
Студентот додека се обидувал да побегне се свртел и јасно го видел напаѓачот, како и паниката која ги зафатила луѓето околу него.
„Видов луѓе како паѓаат еден врз друг, испаничени и како се обидуваат да излезат. Беше страшно“.
На снимката се забележани и сцени во кои некои луѓе се движат мирно и изгледаат несвесни за опасноста.
„Училиштето е големо, а некои луѓе не сфатија дека има пукање. Видов жена меѓу мене и напаѓачот и се обидов да и се развикам. Потоа истрчав и слушнав истрели“, додал ученикот.
Студентот, по излегувањето, бил сведок на грозоморни сцени додека повредените студенти биле носени и сместени во приватни автомобили за да бидат пренесени во болница.
Двајца други ученици, Омар (18) и Нахом (19), го опишале своето искуство кога биле затворени во училницата.
„Седевме во работилницата кога нашиот директор дојде со трчање и ни рече дека никој не смее да излезе надвор и тогаш ги исклучивме светлата“, рече Омар.
Имено, тие почувствувале олеснување кога конечно им било дозволено да излезат.
„Среќни сме што одиме дома за да бидеме со нашето семејство. Отпрвин помислив дека е пожар или нешто слично. Потоа слушнавме дека има истрели – тоа беше шок“, додаде Нахом во живо на блогот.
