Францускиот претседател Макрон едвај се ослободи од поздравувањето со американскиот олега Трамп.
Претседателот на САД со светските лидери во Египет на мировниот самит за Газа
Целта на самитот е да се стави крај на војната во Појасот Газа и да се зајакне регионалната стабилност
Претседателот на САД, Доналд Трамп, се сретна со францускиот претседател Емануел Макрон во Египет. Двајцата лидери повторно беа во центарот на вниманието поради начинот на кој се ракуваа.
Трамп ја зграпчи раката на Емануел Макрон толку цврсто што Макрон се обиде неколку пати да ја ослободи, но без успех.
Макрон успеа да се повлече само откако Трамп го ослободи стисокот.
Американскиот претседател Доналд Трамп и египетскиот лидер Абдел Фатах ал-Сиси денес претседаваат со самитот за Газа во Египет, на кој присуствуваат голем број светски лидери, а Доналд Трамп беше првиот што го потпиша прекинот на огнот во Газа. Хамас ги ослободи израелските заложници, а се очекува дека палестинските затвореници наскоро ќе бидат ослободени.
Мировен самит за Газа во Египет
Мировен самит за Газа е закажан за понеделник попладне во одморалиштето Шарм ел Шеик на Црвеното Море.
Фокусот на самитот е на „запирање на војната во Појасот Газа, зајакнување на напорите за постигнување мир и стабилност на Блискиот Исток и воведување нова ера на регионална безбедност и стабилност“, објави кабинетот на египетскиот претседател.
Повеќе од 20 лидери во популарното одморалиште
Самитот го предводат Трамп и Ал-Сиси, со учество на лидери од повеќе од 20 земји, како што е најавено. Се очекува Трамп да пристигне во Израел во понеделник, каде што ќе се обрати пред Кнесетот, пред да се упати кон Египет на самит.
„Одам во Израел, ќе се обратам пред Кнесетот, а потоа ќе одам во Египет. Сите сакаат да се постигне овој договор“, рече Трамп во пресрет на самитот.
Сè уште не е познато дали израелскиот премиер Бенјамин Нетанјаху ќе биде присутен во Шарм ел Шеик. Според „Аксиос“, ова е малку веројатно.
