Утрово, седми јули силно невреме го зафати главниот град на Хрватска, Загреб.
Најпогодено било поширокото подрачје на градот, а особено Нови Загреб, каде налетите на ветер предизвикале хаос на улиците.
Граѓаните на социјалните мрежи споделија драматични снимки, на кои се гледа како силниот ветер ги подига и фрла контејнерите за ѓубре, пластичните столици и разни други предмети низ улиците и дворовите.
За сега, не се пријавени посериозни материјални штети, информираат хрватските медиуми.
Метеоролозите претходно предупредија дека се очекува драстична промена на времето, а за делови од земјата — вклучувајќи ја Славонија, Истра, Кварнер и Далмација — беше издаден портокалов метеоаларм. За останатите региони, вклучително и Загреб, важи жолт метеоаларм.
