Неколку полицајци го совладаа лидерот на движењето „Крени-промени“, Саво Манојловиќ, за време на блокадата на Стариот савски мост. Според сведоците, полицајците го турнале на земја и не му дозволувале да стане, додека тој врескал за помош.
Покрај Манојловиќ, полицијата го привела и градскиот советник од истото движење, Александар Јовановиќ.
На мостот се присутни граѓани и активисти кои се спротивставуваат на уривањето на Стариот савски мост. Од двете страни на мостот распоредени се полициски кордони, опремени за разбивање демонстрации. Граѓаните мирно се обидуваат да го пробијат кордонот.
Активистите најавија блокада и на Бранковиот мост, протестирајќи против отстранувањето на шините и асфалтот на Стариот савски мост.
По приведувањето, Саво Манојловиќ од полициската станица е префрлен во Ургентниот центар на Универзитетскиот клинички центар на Србија, објави движењето „Крени-промени“ на својот Инстаграм профил.
Извор: https://n1info.rs/vesti/savo-manojlovic-priveden-policajci-ga-odneli-sa-savskog-mosta/
