Пери за време на настапот се искачи на огромна метална топка закачена на ланци над сцената. Но, откако почна да се издигнува, топката се накоси на една страна, слично како и автомобилот на Бијонсе. Во моментот, Пери мораше цврсто да се фати за рамката за да не падне, додека преплашената публика извика од страв.
Тимот веднаш ја исклучи музиката и ги затемни светлата за да ѝ помогне на пејачката да излезе безбедно од конструкцијата. На видеата од настанот може да се слушне публиката како извикува: „Ајде, Кејти!“
На социјалните мрежи брзо се проширија снимки од незгодата, а дел од фановите кои присуствувале на концертот напишале дека „во живо изгледало многу пострашно отколку на снимките“.
Инцидентот веднаш беше спореден со оној на Бијонсе во Хјустон, кога таа замалку не испадна од висечки автомобил на сцената.
Кејти Пери моментално е на светска турнеја „Lifetimes“, со која го промовира нејзиниот седми студиски албум „143“, објавен во септември 2024 година. Турнејата започна во април во Мексико Сити, а финалето е закажано за 7 декември во Етихад Парк, Абу Даби.
