Според полицијата, два грчки медиуми добиле анонимна дојава дека во рок од 35 минути ќе се случи експлозија, по што веднаш биле преземени безбедносни мерки и зградата била евакуирана. Областа е блокирана, а увидот е во тек.
Полициски службеник изјавил дека најверојатно станува збор за бомба изработена во домашни услови. Никој досега не презел одговорност за нападот.
Хеленските железници се дел од италијанската компанија Ferrovie dello Stato.
Оваа експлозија се случува во сенка на трагедијата од 2023 година, кога во најтешката железничка несреќа во историјата на Грција загинаа 57 лица, главно студенти. Несреќата предизвика силни реакции и масовни протести, бидејќи граѓаните ја сметаат за симбол на децениско занемарување на железничкиот систем и институционален неуспех во обезбедувањето на безбедноста.
