Компанија, „Robot Era“ која развива хуманоидни роботи, повторно го привлече вниманието на технолошките ентузијасти ширум светот. Откако, пред неколку месеци го покажа својот XBot-L како оди по Кинескиот ѕид, компанијата сега објави снимка од два модели на Star1 како трчаат низ пустината Гоби.
Трчањето во пустината со голема брзина овозможува поглед на потенцијалната иднина на хуманоидните роботи дизајнирани за реални средини.
Видеото прикажува два хуманоидни роботи Star1 како се тркаат низ пустината. Тие се движат по карпести патеки, тревни области и кривулести патишта. Еден од роботите трча „бос“, додека другиот носи патики, кои, како што се испоставува, одиграле значајна улога во исходот на трката.
Иако „Robot Era“ не откри многу детали за роботот Star1, сепак се знаат неколку клучни спецификации: висок е 171 cm и тежок 65 kg и останува „право со грб“ додека се движи. Во пустинска трка, роботот во патики тргна зад својот противник, но брзо ја затвори празнината. Робот Ера рече дека Star1 опремен со чевли достигна брзина од околу 13 km/h и успеа да остане во водство цели 34 минути.
