Tecno Mobile го претстави Tecno Dynamic 1, куче-робот надограден со вештачка интелигенција, на овогодинешниот Светски конгрес за мобилни телефони. Dynamic 1 е внимателно создаден за да имитира вистинско куче што е можно поверно, а неговиот дизајн се базира на германски овчари.
Ги имитира движењата на кучето, што му овозможува да се качува по скалите, да лае и да ја пружи шепата. Во главата на кучето, четири микрофони работат со алгоритам на вештачка интелигенција за да препознаваат гласовните команди. Сè на сè, идејата е дека можете да го третирате ова куче како вистинско животно.
Краткорочна батерија со висок капацитет
Со цел роботот да оди уредно и исправено, неговиот AI HyperSense Fusion System се напојува со 8-јадрен ARM процесор. Добива податоци од длабинската камера Intel RealSense S430 со двојни оптички и инфрацрвени сензори и помага да се идентификуваат пречките и да се води кучето околу нив.
Кучето има и 64 GB внатрешна меморија, поддршка за Wi-Fi 6 и Bluetooth 5.2, а може да се контролира и преку мобилна апликација, пренесува Digital Trends.
Иако батеријата има капацитет од 15.000 mAh, таа нема долго да го напојува кучето. Може да трае околу 90 минути помеѓу полнењата. Сепак, постои модуларен дизајн кој овозможува брзо заменување на батериите, за да може да продолжи да работи.
Извор: index.hr
