Според истражувањето, не станува збор за целосна замена на луѓето, туку за проценка колку делови од нивната работа може успешно да ги извршува вештачката интелигенција.
Најзагрозени занимања
Помеѓу најмногу погодените професии се:
- преведувачи и толкувачи – 98% преклопување
- историчари – 91%
- математичари – 91%
- лектори – 91%
- машински програмери – 90%
- писатели и автори – 85%
- статистички асистенти – 85%
- продажни претставници – 84%
- технички писатели – 83%
- новинари – 81%
- стјуарди и стјуардеси – 80%
- телефонски оператори – 80%
- уредници – 78%
- едукатори за управување со домаќинства и фарми – 77%
- политиколози – 77%
- научници за податоци – 77%
- географи – 77%
- спикери и радио-водители – 74%
- берзански службеници – 74%
- веб-програмери – 73%
Кои професии се најбезбедни?
Од друга страна, медицинските сестри, бродските инженери, молерите и работниците во постројки за пречистување на вода се меѓу професиите кои, според Мајкрософт, најмалку ќе бидат засегнати од развојот на вештачката интелигенција.
Што значи ова за иднината на работните места?
Мајкрософт нагласува дека податоците не сугерираат дека AI целосно ќе ги замени овие професии, туку дека ефикасно може да извршува одредени рутински или аналитички задачи кои порано барале човечка интервенција. Целта на истражувањето е да се покаже каде е најверојатно да дојде до промени и трансформации на пазарот на трудот.
Според анализата, AI ќе има најголемо влијание во секторите на јазична обработка, пишување, анализа на податоци и комуникации, додека рачно-инженерските и здравствените занимања засега остануваат релативно стабилни.
Извор: N1info.rs
